ភ្នំពេញៈបុរសម្នាក់បានជិះម៉ូតូហុងដាឌ្រីមមិនបានប្រយ័ត្នភ្លេចខ្លួនត្រូវបានរថយន្តលួចស៊ីសRX 200t ពណ៌កណ្ដុរប្រមេះដែលមានផ្លាកលេខភ្នំពេញ-2BL 1809 បុកពីក្រោយពេញទំហឹងនៅត្រង់ចំណុច វត្តកៀនឃ្លាំង ករណីចរាចរណ៍ខាងលើនេះបណ្ដាលឲ្យជនរងគ្រោះរងរបួសធ្ងន់បញ្ជូនទៅមន្ទីរពេទ្យ។
ហេតុការណ៍នេះកើតឡើងនៅវេលាម៉ោង១:០០និង១៥នាទីយប់រំលងអាធ្រាត្រឈានចូលថ្ងៃទី០៩
ខែសីហា ឆ្នាំ២០២៣ ស្ថិតនៅតាមបណ្ដោយផ្លូវលេខ(6A) ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វាររាជធានីភ្នំពេញ។
បុរសជនរងគ្រោះជិះម៉ូតូម៉ាកហុងដាឌ្រីមសេរីឆ្នាំ២០១៩ពណ៌ខ្មៅ ពាក់ស្លាកលេខភ្នំពេញ-1HA 2462ធ្វើដំណើរ ស្របទិសគ្នាត្រូវបានរថយន្តបុកពីក្រោយពេញទំហឹងបណ្តាលឲ្យម៉ូតូខ្ទេចផែ្នកខាងក្រោយ សមត្ថកិច្ចមកដល់ចំណុចកើតហេតុវាស់និងយករថយន្តនិងម៉ូតូយកទៅរក្សាទុកនៅអធិការដ្ឋាននគរបាលខណ្ឌជ្រោយចង្វាររង់ចាំការដោះស្រាយគ្នាតាមនីតិវិធីច្បាប់។
