ទីតាំងមួយកន្លែងយីហោ K9 ជ្រកក្រោមស្លាកយីហោ ក្លាសសុីក ហ៊ែរសាឡន បើកទទួលភ្ញៀវ ប្រុសស្រីចូលផឹកសុីនិងបង្កប់មានថ្នាំក្រវីខុសច្បាប់ ហាក់មិនខ្លាចញញើតសមត្ថកិច្ច ដែលទីតាំងខាងលើស្ថិតនៅក្រោយផ្សារចិន ខាងត្បូងវិមានរដ្ឋសភា ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ប្រជាពលរដ្ឋអ្នក រត់កង់បី និង ម៉ូតូឌុបបានលើកឡើងថាទីតាំងខាងលើនេះ បើកដំណើការរាល់ថ្ងៃ ភ្ញៀវប្រុសស្រីជាច្រើននាក់ មានទាំងជនជាតិចិន និងស្រីៗខ្មែរចេញចូលផឹកសុីថែមទាំងលេងថ្នាំក្រវី រហូតដល់មានមនុស្សស្រីម្នាក់គាំបេះដូងស្លាប់ថែមទៀតផងដែលក្នុងចន្លោះឆ្នាំ 2019 2020 ប្រជាពលរដ្ឋបានស្នើរអោយ(សារព័ត៌មាន សន្តិភាពពិត) ជួយធ្វើការផ្សព្វផ្សាយនិងសំណូមពរដល់លោក គៀង ល័ក្ខ អភិបាលខណ្ឌចំការមន និងលោក យិន សាន អធិការខណ្ឌចំការមន ជួយចុះពិនិត្យទីតាំងខាងលើនេះផង ដើម្បីរក្សាសុខសុវត្ថិភាពជូនដល់ប្រជាពលរដ្ឋនិងប្រទេសជាតិទាំងមូលនិងកម្ពុជាគ្មានគ្រឿងញៀន និង ភូមឃុំមានសុវត្ថិភាព គ្មានអំពើហិង្សាឆក់ប្លន់និងករណីផ្សេងៗទៀត។
សូមរំលឹកថា: កាលពីថ្ងៃទី១៧ ខែកញ្ញា ឆ្នាំ២០២២ កន្លងផុតទៅនេះ អតីតនាយករដ្ឋមន្ត្រីគឺសម្តេចតេជោ ហ៊ុន សែន លោកបានដាក់បទបញ្ជាឲ្យអភិបាលទាំង២៥ ខេត្ត/ក្រុង/រាជធានី, តម្រូវឲ្យបង្រ្កាបទីតាំងបនល្បែងស៊ីសង និងកន្លែងចែកចាយនូវប្រភេទថ្នាំញៀន និង សារធាតុញៀន ខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែងឡើយ។
សម្តេចតេជោ លោកក៏បានបញ្ជាក់ទៀតថា: បើអាជ្ញាធរនិងសមត្ថកិច្ចក្នុងមូលដ្ឋាន ស្រុក/ក្រុង/ខេត្ត, ណាមិនហ៊ានក្នុងការទប់ស្កាត់ និងមិនបង្ក្រាបទីតាំងបនល្បែងស៊ីសងខុសច្បាប់គ្រប់ប្រភេទ នៅក្នុងមូលដ្ឋានរបស់ខ្លួននោះទេ! អាជ្ញាធរនិងសមត្ថកិច្ច ទាំងនោះនិងមានការដកបញ្ហាប្រឈមនិងបាត់បង់ពីមុខតំណែងតួនាទីទៀតផង។ នេះគឺជាអនុសាសន៍អតីតនាយករដ្ឋមន្ត្រីសម្ដេចតេជោ ហ៊ុន សែន បានផ្ដាំផ្ញើគ្រប់មន្ត្រីជាន់ថ្នាក់ក្នុង 25 ខេត្តក្រុងរាជធានី។
ពាក់ព័ន្ធនឹងការចុះផ្សាយខាងលើ អង្គភាពយើងរង់ចាំ ការបកស្រាយពីភាគី និងស្ថាប័នពាក់ព័ន្ធរៀងរម៉ោងធ្វើការតាមរបបសារព័ត៌មា៕ កែសម្រក់អត្ថបទដោយ ចាងហ្វាងការផ្សាយគេហទំព័រ និង កាសែត សន្តិភាពពិត
