ប្អូនអួន សារ៉ាត់ ប្អូនជាអ្នកជួយ មិនមែនជាអ្នកបំផ្លាញទេ ប្អូនជាមនុស្សមុនដំបូងគេដែលបានដឹងពីប្រវត្តិដ៏កំសត់របស់កូននេន សីហា ហើយបានជួយលោកកូនរហូតមក ។
ការជួយរបស់ប្អូនបានហុចលទ្ធផលពីរគឺ ៖ ការផ្តល់ភាពកក់ក្តៅដល់ក្មេង ដែលត្រូវឃ្លាតពីឪពុកម្តាយមកបួសជាសាមណេរ ដោយមានភាពឈ្លាសវៃ ក្លាហាន និងមាននិស្ស័យជាមួយព្រះធម៌តាំងពីក្មេង ។
ជួយកសាងព្រះវិហារ និងសមិទ្ធផលព្រះពុទ្ធសាសនាក្នុងទីអារាមដែលកំពុងខ្វះខាតតាមរយ:ការអាណិតស្រឡាញ់ពីសំណាក់ពុទ្ធបរិស័ទ និងសប្បុរសជនចំពោះ កូននេន សីហា ។
ដល់ដំណាក់កាលនេះ ប្រសិនបើប្អូនឈប់ជួយ ដោយរងការចោទប្រកាន់ប្អូនមិនសមហេតុផល ខ្វះការពិចារណាពីសំណាក់មនុស្សមួយចំនួនតូច ទាំងកូននេន សីហា ទាំងដំណើរការកសាង នឹងត្រូវរាំងស្ទះជាមិនខាន ។
ដូច្នេះ បងសូមលើកទឹកចិត្តប្អូន មេត្តាជួយលោកកូនបន្តទៀតដោយកុំខ្វល់ជាមួយនឹងសំដីមនុស្សមិនបានការទាំងនោះអី ។ ត្រូវដឹងថា អ្នកស្តីបន្ទោសប្អូន គេអង្គុយចាំតែទើសប៉ុណ្ណោះ តែគេមិនបានជួយអ្វីនោះទេ ៕