ល្បែងស៊ីសងមួយកន្លែងដែលស្ថិតនៅ តាមបណ្តោយផ្លូវ ៧៨ ក្នុងសង្កាត់ទន្លេបាសាក់ ខណ្ឌចំការមន -ចាប់ផ្តើមបើកដំណើរការហើយពេលនេះ អាជ្ញាធរខណ្ឌចំការមនមិនហា៊នបង្ក្រាបដែរឬទេ.?
![](http://www.santepheappit.com/wp-content/uploads/2023/06/IMG_20230615_204841.jpg)
លោកអភិបាលខណ្ឌចំការមន តែងតែដឹកនាំកម្លាំងគណៈបញ្ជាការឯកភាព រដ្ឋបាល ខណ្ឌចំការមន ចុះបង្ក្រាប ល្បែងស៊ីសង គ្រប់ប្រភេទ និងបទល្មើសផ្សេងៗដែលខុសច្បាប់ ការជួញដូរមនុស្ស និងសារធាតុញៀនជាដើម
-ប៉ុន្តែស្រាប់តែថ្មីៗនេះ គេឃើញថា បនល្បែង ស៊ីសងខាងលើនេះចាប់ផ្ដើម បើក លេងល្បែង យ៉ាងរលូន មិនរំខានដល់សមត្ថកិច្ចក៏ដូចជាលោក (អភិបាលខណ្ឌចំការមន)ទង្វើនេះបញ្ជាក់ឲ្យឃើញថា បនល្បែងខាងលើនេះ គឺកំពុងតែផ្គើននិង អនុសាសន៍ សម្ដេចតេជោ ហ៊ុន សែន រដ្ឋមន្ត្រីនៃព្រះរាជាណាចក្រកម្ពុជា ឬមួយក៏ បនល្បែងខាងលើមានខ្សែធំ បានជាអភិបាលខណ្ឌចំការមនមិនហ៊ានបង្ក្រាប
![](http://www.santepheappit.com/wp-content/uploads/2023/06/IMG_20230615_200259-1021x1024.jpg)
ប្រភពបញ្ជាក់ថា បនល្បែងខាងលើនេះ ស្នូកឃ័រ ល្បែងបាញ់ត្រី ល្បែងផ្សេងទៀតជាច្រើន លេងភ្នាល់ប្រាក់ រាប់ម៉ឺន លានរៀល ក្នុងមួយថ្ងៃៗតាមប្រភពខ្លះថា មើលទៅអាជ្ញាធរទុក្ខគ្រាន់តែចិញ្ចឹមឆ្នាំងបាយ
គួរបញ្ជាក់ថា ដើម្បីធានាឲ្យជនគ្រប់រូប និងសង្គមទាំងមូលមានសុវត្ថិភាពយ៉ាងល្អប្រសើរ ជីវភាពរុងរឿង និងសុខដុមរមនា រាជរដ្ឋាភិបាលកម្ពុជាបានសម្រេចដាក់ចេញនូវគោលនយោបាយ
ភូមិ ឃុំ សង្កាត់ មានសុវត្ថិភាពចំនួន៧ចំណុច ដែលក្នុងនោះក៏រួមមានគ្មានបទល្មើស លួច ឆក់ ប្លន់ គ្រឿងញៀនល្បែងស៊ីសងខុសច្បាប់ និងបទល្មើសគ្រប់ប្រភេទ.!
![](http://www.santepheappit.com/wp-content/uploads/2023/06/IMG_20230615_203105.jpg)
ទោះយ៉ាងណាក៏ដោយ មហាជននៅតែបន្តអំពាវនាវស្នើរសុំដល់ ឯកឧត្តម ឃួង ស្រេង អភិបាលរាជធានីភ្នំពេញ មេត្តាចាត់វិធានការតាមផ្លូវច្បាប់ ចំពោះទីតាំងបនល្បែងស៊ីសងមួយនេះ៕ អត្ថបទដោយ ចាងហ្វាង គេហទំព័រ និង កាសែត សន្តិភាពពិត
![](http://www.santepheappit.com/wp-content/uploads/2023/06/Screenshot_2023-06-15-21-40-44-85_a23b203fd3aafc6dcb84e438dda678b6-600x1024.jpg)