ភ្នំពេញ៖ រោងចក្រកាត់ដេរមួយកន្លែងត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អេីលកាលពីវេលាម៉ោង៣រសៀល ថ្ងៃទី៦ ខែមិនា ឆ្នាំ២០២៣ នៅរោងចក្រយីហោ តុងហ្វាង ភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុខណៈកម្មករកំពុងធ្វេីការស្រាប់តែឆ្លងចរន្តអគ្គិសនីចេញពីម៉ាស៊ីនម៉ូទ័រ តុកាត់ ភ្លាមនោះក្រុមកម្មករក៏នាំគ្នារត់ចេញមកខាងក្រៅនឹងអ្នកខ្លះយកបំពង់ពន្លតអគ្គិភ័យមកបាញ់ពន្លត់តែភ្លេីងបានឆាបឆេះកាត់តែខ្លាំងឡេីងៗមិនអាចគ្រប់គ្រងបានក៏រាយការណ៍ទៅអាជ្ញាធរមានសមត្ថកិច្ចហៅក្រុមរថយន្តពន្លត់អគ្គិភ័យមកអន្តរាគមន៍ភ្លាមៗ
ក្រោយពីទទួលបានព័ត៌មានភ្លាមក្រុមរថយន្តពន្លត់អគ្គិភ័យជាច្រេីនអង្គភាពបានចុះមកអន្តរាគមន៍បាញ់ពន្លត់ជៀសវាងរាលដាលដល់រោងចក្រដែលនៅជាប់ៗគ្នាផ្សេងទៀត។
រោងចក្រខាងលេីមានទំហំ ទទឹង៣០ម៉ែត្របណ្តោយ៥០ម៉ែត្រ ដោយថៅកែជាជនជាតិចិនរងការខូចខាតទាំងស្រុង ដោយមិនមានមនុស្សរងរបួសនោះទេ៕
