ភ្នំពេញ÷ គួរឲ្យអាសូរណាស់បុរសម្នាក់កំពុងជិះម៉ូតូនៅលើចិញ្ចើមផ្លូវសុខៗ ស្រាប់តែមានរថយន្តកុងទឺន័របើកមកបុកពីក្រោយហើយអូសជាច្រើនម៉ែត្រ បណ្ដាលឱ្យជនរងគ្រោះស្ល-ា-ប់-បា-ត់-ប-ង់-ជី-វិ-តនៅហ្នឹងកន្លែងកើតហេតុ។
ហេតុការណ៍នៃគ្រោះថ្នាក់ចរាចរណ៍គួរឱ្យរន្ធ… ត់នេះដែរ បានកើតឡើងកាលពីវេលាម៉ោងខ្ទង់ជិត ៩យប់ ដែលស្ថិតតាមបណ្ដោយផ្លូវវែងស្រេង ភូមិជ្រៃកោង សង្កាត់ចោមចៅទី ២ ខណ្ឌពោធិ៍សែនជ័យ រាជធានីភ្នំពេញ ត្រូវនឹងថ្ងៃទី ៧ ខែកុម្ភៈ ឆ្នាំ ២០២៣។
![](http://www.santepheappit.com/wp-content/uploads/2023/02/FB_IMG_1675835046660-485x1024.jpg)
សពជនរងគ្រោះមានឈ្មោះ ពិន សុខណា ភេទប្រុសអាយុ ២៣ឆ្នាំ មានស្រុកកំណើតរស់នៅភូមិឡាំឡុង ឃុំជ្រៃឃ្មុំ ស្រុកស៊ីធរកណ្ដាល ខេត្តព្រៃវែង។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលហេតុការណ៍នេះបានកើតឡើងគេបានឃើញបុរសម្នាក់ជិះម៉ូតូម៉ាកឌ្រិមសង់មួយគ្រឿងពាក់ស្លាកលេខ ភ្នំពេញ(1GX-3294) បានធ្វើដំណើរតាមបណ្ដោយផ្លូវវេងស្រេង ខណៈពេលមកដល់ត្រង់ចំណុចកើតហេតុខាងលើ ស្រាប់តែមានរថយន្តកុងតឺន័រមួយគ្រឿងពាក់ស្លាកលេខ ភ្នំពេញ(3D-1881) បើកបរដោយបុរសម្នាក់បានបើកក្នុងល្បឿនលឿន ជ្រុលទៅបុកម៉ូតូពីក្រោយពេញទំហឹងអូសជាច្រើនម៉ែត្រ បណ្ដាលឱ្យម៉ូតូរងការខូចខាតយ៉ាងដំណំ។
![](http://www.santepheappit.com/wp-content/uploads/2023/02/FB_IMG_1675835042476-485x1024.jpg)
រីឯជនរងគ្រោះបានខ្ទាតចូលទៅក្រោមកង់រថយន្តកិន-ស្ល-ា-ប់យ៉ាងអាណោចអាធ័ម។
ចំណែកឯអ្នកបើកបរកុងទីន័រវិញ ព្យាយាមបើករត់គេចតែត្រូវសមត្ថកិច្ចចាប់បានយកទៅប៉ុស្តិ៍ដើម្បីធ្វើការសួរនាំបន្ត។
ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ដើម្បីធ្វើការវាស់វែងយករថយន្តបង្ករួមជាមួយនឹងម៉ូតូជនរងគ្រោះទៅរក្សាទុកនៅឯណាស្នងការដ្ឋាននគរបាលរាជធានីភ្នំពេញ រង់ចាំម្ចាស់រថយន្តឬថៅកែចូលខ្លួនមកដោះស្រាយគ្នាទៅតាមផ្លូវច្បាប់។
![](http://www.santepheappit.com/wp-content/uploads/2023/02/FB_IMG_1675835039864.jpg)
ចំណែកសពត្រូវបានសមត្ថកិច្ចជំនាញធ្វើកំណត់ហេតុនិងកោសល្យវិច័យរួចរាល់ ទើបប្រគល់ទៅឱ្យសាច់ញាតិនិងក្រុមគ្រួសារយកទៅធ្វើបុណ្យតាមប្រពៃណី៕
![](http://www.santepheappit.com/wp-content/uploads/2023/02/FB_IMG_1675835037029.jpg)