ខេត្តពោធិ៍សាត់÷កាលពីថ្ងៃសៅរ៍ ទី០៣ ខែកុម្ភៈ ឆ្នាំ២០២៤ ម៉ោង១៣ៈ៣០នាទី នៅចំណុចចំការស្វាយរំលេច ស្ថិតក្នុងភូមិសាយ ឃុំព្រងិល ស្រុកភ្នំក្រវាញ មានករណីរំលោភសេពសន្ថវៈ បង្កឡើងដោយជនសង្ស័យឈ្មោះអក បរន ភេទប្រុស អាយុ ៥៧ឆ្នាំ ខ្មែរ រស់នៅភូមិគល់ទទឹង ឃុំសខ្មែ រស្រុកភ្នំក្រវាញ មុខរបររត់ម៉ូតូឌុប បានធ្វើសកម្មភាព បើកបរម៉ូតូដឹកឥវ៉ាន់នៅតាមផ្លូវ ។
ដោយជនសង្ស័យ បានឌុបកុមារីរងគ្រោះ ជិះទៅដល់កន្លែងកើតហេតុខាងលើ រួចជនសង្ស័យ បានធ្វើសកម្ម ភាពចាប់រំលោភសេពសន្ថវៈ ទៅលើក្មេងស្រីរងគ្រោះ រហូតបានសម្រេច ដោយគំរាមក្មេងស្រីរងគ្រោះ មិនឱ្យ និយាយប្រាប់គេ ប្រយ័ត្នសម្លាប់ចោល រួចជនសង្ស័យ បានឌុបក្មេងស្រីរងគ្រោះ ត្រឡប់មកផ្ទះវិញ។
ក្រោយទទួលពាក្យបណ្ដឹងពីម្តាយក្មេងស្រីរងគ្រោះ នៅថ្ងៃទី០៣.០២.២០២៤ វេលាម៉ោង ១៦ៈ០០នាទី កម្លាំងជំនាញ នៃអធិការដ្ឋាននគរបាលស្រុក សហការជាមួយ កម្លាំងប៉ុស្តិ៍នគរបាលរដ្ឋបាល បានឃាត់ខ្លួនជន សង្ស័យ នៅថ្ងៃទី០៤.០២.២០២៤ វេលាម៉ោង ០៩ៈ០០នាទី ដើម្បីបន្តសំណុំរឿង បញ្ជូនទៅសាលាដំបូងខេត្ត៕
ប្រភព: ស្នងការដ្ឋាននគរបាល ខេត្តពោធិ៍សាត់