កំពង់ស្ពឺ៖ នៅព្រឹកថ្ងៃទី៧ ខែកុម្ភៈ ឆ្នាំ២០២៤នេះ លើផ្លូវល្បឿនលឿនចន្លោះគីឡូម៉ែត្រលេខ K២០+៣០០ ត្រង់ចំណុចភូមិព្រៃរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ មានរថយន្ត១គ្រឿងម៉ាក ALPHAT ពណ៌ស ពាក់ផ្លាកលេខភ្នំពេញ 2BD-6657 បុករបាំងផ្លូវក្រឡាប់ ដែលអ្នកបើកបរឈ្មោះ ញឹក ពិសី ភេទស្រី អាយុ៣៣ឆ្នាំ ស្ល-ា-ប់ មានអ្នករួមដំណើរជាមួយ៦នាក់ រថយន្តគ្រួសារដំណើរកំសាន្ត។
បើតាមការរាយការណ៍របស់សមត្ថកិច្ច ដែលបណ្ដាញព័ត៌មាន គេហទំព័រ សន្តិភាពពិត ទទួលបាននៅថ្ងៃទី០៧ ខែកុម្ភៈ ឆ្នាំ២០២៤នេះ បានបញ្ជាក់ថា អ្នករួមដំណើរទាំង៦នាក់ រួមមាន៖
ទី១៖ ឈ្មោះ ហេង កុសល ភេទប្រុស អាយុ៣៥ឆ្នាំរបួសស្រាល បងថ្លៃ
ទី២៖ ឈ្មោះ ញឹក តុលា ភេទស្រី អាយុ៣៨ឆ្នាំ ស្ល-ា-ប់ បងបង្កើត
ទី៣៖ ឈ្មោះ គឹម ឡៃណាត ភេទស្រី អាយុ៦៥ឆ្នាំ ស្ល-ា-ប់ ម្តាយបង្កើត
ទី៤៖ ឈ្មោះ គឹម ថាវី ភេទស្រី អាយុ៥៤ឆ្នាំ ស្ល-ា-ប់ ម្តាយបងថ្លៃ
ទី៥៖ ឈ្មោះ ទិត្យ ប៊ុនណា ភេទប្រុស អាយុ៦៦ឆ្នាំ ស្ល-ា-ប់ ឪពុកបងថ្លៃ
ទី៦៖ ឈ្មោះ ហេង ពេជ្រពិសី ភេទស្រី អាយុ១៣ឆ្នាំ របួសធ្ងន់ប្អូនថ្លៃ
តាមរបាយការណ៍ របស់សមត្ថកិច្ច, អ្នកទាំង៧ នៅភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ បើកបរពីទិសខាងកើត ទៅទិសខាងលិច លុះមកដល់ចំណុចខាងលើ បានរេចង្កូតបុករបាំងផ្លូវក្រឡាប់។
បច្ចុប្បន្ន រថយន្តត្រូវបានរក្សាទុក នៅស្នាក់ការបញ្ជកំពង់ស្ពឺ កើត K២៦។ ដោយឡែកសព បានប្រគល់ជូនក្រុមគ្រួសារ និងអ្នករបួស បានបញ្ជូនទៅព្យាបាលរបួស នៅមន្ទីររាជធានីភ្នំពេញ៕