ភ្នំពេញ ៖ បុរសម្នាក់ស្លាប់ភ្លាមៗនៅកន្លែង បន្ទាប់ពីកើតជម្លោះឈានដល់ផ្ទុះអាវុធ ហើយជនសង្ស័យគេចខ្លួនទៅបាត់ បង្កឲ្យភ្ញាក់ផ្អើល កាលពីវេលាម៉ោង១និង៣៥នាទីរសៀល ថ្ងៃទី២៩ ខែកក្កដា ឆ្នាំ២០២៣ នៅតាមផ្លូវ៣៦០ សង្កាត់ទួលស្វាយព្រៃ ខណ្ឌបឹងកេងកង រាជធានីភ្នំពេញ ។
![](http://www.santepheappit.com/wp-content/uploads/2023/07/IMG_20230729_203513.jpg)
តាមប្រភពបានឲ្យដឹងថា មុនកើតហេតុជនរងគ្រោះជាជនជាតិវៀតណាម មានជម្លោះគ្នា ហើយជនរងគ្រោះបានដើរចេញ ស្រាប់តែជនសង្ស័យដើរតាមពីក្រោយ រួចដកកាំភ្លើងបាញ់ចំនួន៣គ្រាប់ លើជនរងគ្រោះបណ្តាលឲ្យស្លាប់ភ្លាមៗនៅកន្លែង
![](http://www.santepheappit.com/wp-content/uploads/2023/07/IMG_20230729_203440.jpg)
ហើយជនសង្ស័យគេចខ្លួនបាត់ បង្កឲ្យភ្ញាក់ផ្អើល សមត្ថកិច្ចចុះទៅ ពិនិត្យស្រាវជ្រាវ នៅកន្លែងកើតហេតុ។
ជនសង្ស័យជិះរថយន្តម៉ាក ឡិចសុីស NX200T ពណ៌ស ពាក់ស្លាកលេខ ភ្នំពេញ 2BT-5222 រត់គេចខ្លួន ត្រូវបានសមត្ថកិច្ច ប្រកាសទូទាំងរាជធានី ខេត្ត ឲ្យតាមឃ្លាំមើល និងឃាត់ចាប់៕
![](http://www.santepheappit.com/wp-content/uploads/2023/07/IMG_20230729_201307.jpg)
![](http://www.santepheappit.com/wp-content/uploads/2023/07/IMG_20230729_203620-1.jpg)