ភ្នំពេញៈបុរសម្នាក់បានជិះម៉ូតូហុងដាឌ្រីមក្នុងល្បឿនលឿន នៅចំណុចផ្លូវកោងក៍ជ្រុលទៅបុកនិងរបាំងថ្មពុះចែកទ្រូងផ្លូវបណ្ដាលឲ្យជនរងគ្រោះហោះផ្លោងទៅផ្ទុបនិងបង្គោលភ្លើងបំភ្លឺផ្លូវបែកក្បាលហូរឈាមស្លាប់។
ហេតុការណ៍នេះកើតឡើងនៅវេលាម៉ោង២និង៣០នាទីយប់រំលងអាធ្រាត្រឈានចូលថ្ងៃទី៣១
ខែកក្កដា ឆ្នាំ២០២៣ជិតគល់ស្ពានអាកាសស្ទឹងមានជ័យត្រើយខាងជើងផ្លូវ២៧១ សង្កាត់ស្ទឹងមានជ័យទី១ខណ្ឌមានជ័យ។សពជនរងគ្រោះមានឈ្មោះម៉ាសារឿនភេទប្រុសអាយុ៣៨ឆ្នាំមុខរបរចុងភៅហាងចិន។
បុរសជនរងគ្រោះជិះម៉ូតូម៉ាកហុងដាឌ្រីមសេរីឆ្នាំ២០១១ ពណ៌ខ្មៅ ពាក់ស្លាកលេខភ្នំពេញ1AX5235 ធ្វើដំណើរ ទិសដៅពីត្បូងទៅជើងលុះដល់ចំណុចកើតហេតុ ជនរងគ្រោះបុកនិងរបាំងថ្មពុះចែកទ្រូងផ្លូវយ៉ាងពេញទំហឹងបណ្តាលឲ្យម៉ូតូខ្ទេចផែ្នកខាងមុខអូសទៅមុខប្រហែល៥០ម៉ែត្រ។ចំណែកសពប្រគល់អោយសាច់ញាតិចាត់ចែងធ្វើបុណ្យតាមប្រពៃណី៕
