ខេត្តស្វាយរៀង ៖ សមត្ថកិច្ចគ្រប់ខេត្តកំពុងអនុវត្តន៍យ៉ាងម៉ឺងម៉ាត់ នូវបទបញ្ជារបស់សម្តេចតេជោ នាយករដ្ឋមន្ត្រី និងសម្តេចក្រ ទ្បាហោម ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដោយឲ្យចុះបង្ក្រាបទីតាំងល្បែង គ្រប់ប្រភេទនៅក្នុងមូលដ្ឋាន ដែលស្ថិតក្រោមការគ្រប់គ្រងរបស់ខ្លួន ។
![](http://www.santepheappit.com/wp-content/uploads/2022/12/Picsart_22-12-03_10-27-03-291.jpg)
ដោយទ្បែក សមត្ថកិច្ច និងអាជ្ញាធរក្នុងក្នុងក្រុងបាវិត ក៏កំពុងសកម្ម ចុះបង្ក្រាបដូចគ្នា ប៉ុន្តែបងប្អូនប្រជាពលរដ្ឋ នៅក្នុងក្រុងបាវិត ខេត្តស្វាយរៀង គាត់នៅតែមានចម្ងល់ថា ចុះហេតុអ្វីបានជាកន្លែងលេងល្បែងគ្រប់ប្រភេទ ដូចជាហ្គេមបាញ់ត្រី ចាក់បាល់ កក់កន្តុយលេខ ដែលមានទីតាំងក្នុងក្រុងបាវិត ខេត្តស្វាយរៀង
![](http://www.santepheappit.com/wp-content/uploads/2022/12/IMG_20221203_082833_563-1024x768.jpg)
![](http://www.santepheappit.com/wp-content/uploads/2022/12/IMG_20221203_082809_159-963x1024.jpg)
ជាក់ស្ដែងនៅថ្ងៃទី ២៨ ខែវិច្ឆិកា ឆ្នាំ ២០២២នេះ អង្គភាពសារព័ត៌មានយើងជាច្រើនអង្គភាព បានចុះទៅដល់ទីតាំងខាងលើ ដែលស្ថិតនៅតាមបណ្ដោយផ្លូវជាតិលេខ ១ ក្នុងក្រុងបាវិត ខេត្តស្វាយរៀង ឃើញថាទីតាំងលំដាប់កាសុីណូខាងលើ កំពុងតែបើកលេងល្បែង ហ្គេមបាញ់ត្រី ភ្នាល់បាល់ កក់កន្តុយលេខ និយាយរួមគឺគ្រប់ប្រភេទ កំពុងទទួលភ្ញៀវចូលលេងពិតប្រាកដមែន!! ហើយអង្គភាពយើងបានថតផ្ដិតយករូបភាព ធ្វើការផ្សព្វផ្សាយ ជួនថ្នាក់ដឹកនាំខាងលើៗ ឲ្យលោកជ្រាបជាព័ត៌មានផងដែរ
ពាក់ព័ន្ធទៅនឹងទីតាំងបនល្បែងស៊ីសងខាងលើនេះ ប្រហែលជាលោកអភិបាលក្រុង និងលោកអធិការក្រុងមិនទាន់ដឹងនោះទេ ថានៅមូលដ្ឋានរបស់ខ្លួន មានល្បែងស៊ីសងខុសច្បាប់កំពុងបើកដំណើរការលេងឬយ៉ាងណា ?
![](http://www.santepheappit.com/wp-content/uploads/2022/12/IMG_20221203_082817_359-965x1024.jpg)
ប្រជាពលរដ្ឋនិងអង្គការសង្គមស៊ីវិលស្នើសុំដល់លោក លឹម សៀងហេង អភិបាលនៃគណៈអភិបាលក្រុងបាវិត និង លោកវរសេនីយ៍ទោ អែម សុវណ្ណារិទ្ធ អធិការនគរបាលក្រុងបាវិត សូមដឹកនាំកម្លាំងចុះបង្ក្រាបទីតាំងល្បែងស៊ីសងខុសច្បាប់ខាងលើនេះផងទាន ។
ពាក់ព័ន្ធនឹងការចុះផ្សាយខាងលើ អង្គភាពសារព័ត៌មានយើងរង់ចាំការបកស្រាយបំភ្លឺពីភាគីពាក់ព័ន្ធ រៀងរាល់ម៉ោងធ្វើការតាមរបបសារព័ត៌មាន។
![](http://www.santepheappit.com/wp-content/uploads/2022/12/Picsart_22-12-03_10-21-50-358.jpg)
![](http://www.santepheappit.com/wp-content/uploads/2022/12/IMG_20221203_082841_971-1024x768.jpg)
![](http://www.santepheappit.com/wp-content/uploads/2022/12/IMG_20221203_082821_417-1024x906.jpg)