(ខេត្តបាត់ដំបង) ព្រឹកថ្ងៃទី០៥ ខែសីហា ឆ្នាំ២០២២ លោកវរសេនីយ៍ត្រី ម៉ែន មូលី មេបញ្ជាការ វរសេនាតូចថ្មើរជើងលេខ៥៣៣ ដឹកកម្លាំងចំនួន ០៨នាក់ អញ្ជើញចុះសួរសុខទុក្ខ លោកព្រិន្ទបាលឯក យុន រិន យុទ្ធជន កងអនុសេនាធំទី៣ អាយុ៥៥ឆ្នាំ មានជម្ងឺ ឈឺហើមសរសៃរ ដើរមិនរួចយូរឆ្នាំ កំពុងសម្រាកព្យាបាលជម្ងឺនៅផ្ទះជាប់មាត់អូរ សិ្ថតនៅភូមិបួរ ឃុំបួរ ស្រុកភ្នំព្រឹក ខេត្តបាត់ដំបង។ក្នុងឱកាសនោះ មេបញ្ជាការ ជំនួសមុខអោយ នាយទាហាន នាយទាហានរង និងពលទាហាន វរសេនាតូចថ្មើរជើងលេខ៥៣៣ បាននាំយកអង្ករ ០២ការ៉ុង,ត្រីខ ២យួរ និងថវិកាចំនួន ៥០០០០០៛(ប្រាំសែនរៀល)សម្រាប់ជួយដោះស្រាយជីវភាពប្រចាំថ្ងៃក្នុងគ្រាកំពុងជួបការខ្វះខាត។
ជាចុងក្រោយលោកព្រិន្ទបាលឯក យុន រិន ព្រមទាំងក្រុមគ្រួសារ បានគោរពថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏សប្បុររបស់លោកមេបញ្ជាការ រួមទាំងនាយទាហាន នាយទាហានរង និងពលទាហាន វរសេនាតូចថ្មើរជើងលេខ៥៣៣ តែងតែគិតគួរយកចិត្តដាក់យោធិនជួបការលំបាកខ្វះខាតដូចជារូបលោក។លោកព្រិន្ទបាលឯក យុន រិន បានលើកដៃបួងសួងដល់ទេវតា វត្ថុសិក្ក័សិទ្ធិ សូមប្រទានពរជូនដល់លោកមេបញ្ជាការ ម៉ែន មូលី នាយទាហាន នាយទាហានរង និងពលទាហាន វរសេនាតូចថ្មើរជើងលេខ៥៣៣ សូមឲ្យជួបប្រទះតែសេចក្តីសុខ សេចក្ដីចម្រើន និងពុទ្ធពរទាំង៤ប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។កែសម្រួលអត្ថបទដោយលោក រិន សុវណ្ណចាងហ្វាង.គេហទំព័រនិងកាសែតសន្តិភាពពិត លេខទំនាក់ទំនងផ្ដល់ព័ត៌មាននិងផ្សាយពាណិជ្ជកម្មតាមរយៈលេខទូរស័ព្ទ.077896869/0962828881 សូមអរគុណ.!
