ព្រឹកថ្ងៃទី៣ ខែមេសា ឆ្នាំ ២០២២ ឯកឧត្តម ទៀ សីហា អភិបាល នៃគណៈអភិបាលខេត្តបានអញ្ជើញអមដំណើរសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចុះពិនិត្យការដ្ឋានសាងសង់អាកាសយានដ្ឋានអន្តរជាតិសៀមរាបថ្មី ដែលស្ថិតនៅក្នុងឃុំតាយ៉ែក ស្រុកសូទ្រនិគម ខេត្តសៀមរាប។
អាកាសយានដ្ឋានអន្តរជាតិថ្មីនេះ សាងសង់លើផ្ទៃដី ៧៥០ ហិកតា គ្រោងចំណាយទុនវិនិយោគប្រមាណ ៨៨០លានដុល្លារអាមេរិក ដែលចាប់ផ្តើមដំណើរការសាងសង់នៅថ្ងៃទី១៥ ខែមីនា ឆ្នាំ២០២០ ហើយគ្រោងប្រើរយៈពេលសាងសង់សរុបចំនួន ៣៦ខែ ឬ ៣ឆ្នាំ គ្រោងនឹងបញ្ចប់ការសាងសង់នៅថ្ងៃទី៣០ ខែមីនា ឆ្នាំ២០២៣ និងដំណើរការសាកល្បង ជាលើកដំបូងនៅខែតុលា ឆ្នាំ២០២៣ ដោយបានប្រើប្រាស់កម្មករប្រមាណជាង ១,០០០នាក់ ក្នុងនោះ ៧០ភាគរយជាពលករខ្មែរ។ គិតមកដល់បច្ចុប្បន្នការសាងសង់សម្រេចបានប្រមាណ ២២ភាគរយ នៃផែនការសរុប។
អាកាសយានដ្ឋានអន្តរជាតិសៀមរាប-អង្គរ ដែលមានចម្ងាយប្រមាណ៤០គីឡូម៉ែត្រពីអង្គរ គឺជាចម្ងាយមួយធានាដល់សុវត្ថិភាពរបស់ប្រាសាទអង្គរ ហើយការវិនិយោគបង្កើតអាកាសយានដ្ឋាននៅទីនេះ បន្ទាប់ពី៥០ឆ្នាំក្រោយ នឹងប្រគល់មកអោយរាជរដ្ឋាភិបាលកម្ពុជា៕
![](http://www.santepheappit.com/wp-content/uploads/2022/04/FB_IMG_1649009006274.jpg)
![](http://www.santepheappit.com/wp-content/uploads/2022/04/IMG_20220329_142649_145-5-1024x105.jpg)
![](http://www.santepheappit.com/wp-content/uploads/2022/04/Screenshot_2022-04-04-01-14-25-87_40deb401b9ffe8e1df2f1cc5ba480b12.jpg)
![](http://www.santepheappit.com/wp-content/uploads/2022/04/IMG_20220329_142649_145-6-1024x105.jpg)
![](http://www.santepheappit.com/wp-content/uploads/2022/04/Screenshot_2022-04-04-01-14-54-80_40deb401b9ffe8e1df2f1cc5ba480b12.jpg)
![](http://www.santepheappit.com/wp-content/uploads/2022/04/FB_IMG_1649009086826.jpg)
![](http://www.santepheappit.com/wp-content/uploads/2022/04/IMG_20220329_142649_145-4-1024x105.jpg)
![](http://www.santepheappit.com/wp-content/uploads/2022/04/IMG_20220325_163833_839-2.jpg)