ដីឥដ្ឋ : នាព្រឹក ថ្ងៃអង្គារ ទី១៩ ខែមេសា ឆ្នាំ២០២២ លោកឧត្តមសេនីយ៍ឯក ឆឹង បុត្រ នាយកវិទ្យាស្ថានបណ្តុះបណ្តាលវិជ្ជាជីវៈនគរបាល បានដឹកនាំកិច្ចប្រជុំត្រួតពិនិត្យការងារត្រៀមដំណើរការបណ្តុះបណ្តាលវគ្គសិក្សាថ្នាក់បរិញ្ញាបត្រវិទ្យាសាស្ត្រនគរបាល ជំនាន់ទី១៣ ដោយមានការចូលរួមពីលោកនាយករង នាយការិយាល័យ និងមន្ត្រី។ លោកប្រធានអង្គប្រជុំ បានសម្តែងការស្វាគមន៍ និងលើកឡើងអំពីរបៀបវារៈ ជូនដល់សមាជិក សមាជិកា ជ្រាបនិងធ្វើការត្រួតពិនិត្យ។ បន្ទាប់ពីបានស្តាប់នូវសេចក្តីរាយការណ៍ពីតំណាងការិយាល័យជំនាញនីមួយៗរួចមក លោកប្រធានអង្គប្រជុំបានណែនាំដល់សមាជិកទាំងអស់ ត្រូវបន្តយកចិត្តទុកដាក់លើការងារដែលនៅសល់បន្ថែមទៀត។ ជាចុងក្រោយ លោកប្រធានអង្គប្រជុំបានថ្លែងអំណរគុណដល់សមាជិកទាំងអស់ដែលបានចូលរួមប្រជុំប្រកបដោយស្មារតីទទួលខុសត្រូវខ្ពស់។
