📢លោកហ៊ីងសុភាពចៅសង្កាត់ព្រែកហូរនិងក្រុមការងាររដ្ឋបាលសង្កាត់បានធ្វើយុទ្ធនាការីអង្គាសបៀងជូនកងទ័ពការពារព្រំដែននៅឯជួរមុខ.!

 

កាលពីថ្ងៃទី 28 29 30 ដែលមានចំនួនបីថ្ងៃចប់សព្វគ្រប់ហើយនៅតែថ្ងៃធ្វើដំណើរចុះទៅដល់បងៗកងទ័ពដែលនៅជួរមុខតែប៉ុន្នោះ ដោយរដ្ឋបាលក្រុងតាខ្មៅបានចេញសេចក្តីអំពាវនាវ ក្នុងបុព្វហេតុមនុស្សធម៌ដើម្បីចូលរួមគាំទ្រ និងលើកទឹកចិត្តដល់វីរកងទ័ពជួរមុខកម្ពុជា ដែល បាននឹងកំពុងប្រយុទ្ធយ៉ាងអង់អាចក្លាហាន ដើម្បីការពារបូរណភាពទឹកដី តតាំងជាមួយសត្រូវ ឈ្លានពានមកលើដែន អធិបតេយ្យភាពរបស់កម្ពុជា រដ្ឋបាលក្រុងតាខ្មៅ បានរៀបចំទទួលនូវអំណោយ គ្រប់ប្រភេទដូចជា៖ ថវិកា ស្បៀងអាហារគ្រឿងឧបភោគបរិភោគ សម្ភារប្រើប្រាស់នានា ព្រមទាំង ថ្នាំពេទ្យ ដើម្បីយកទៅចែកជូនដល់វីរកង ទ័ពជួរមុខ ដែលបាននឹងកំពុងខិតខំតស៊ូការពារបន្ទាត់ព្រំដែន កម្ពុជា-ថៃ ប្រកបដោយភាពក្លាហាន មុះមុត ប្រឆាំង នឹងសត្រូវឈ្លានពាន ប្រកបដោយស្មារតីស្នេហា ជាតិមាតុភូមិ ព្រមទាំងបងប្អូនប្រជាពលរដ្ឋ ដែលត្រូវបានជម្លៀសខ្លួនមកកាន់មណ្ឌលសុវត្ថិភាពនានា ដែលកំពុងត្រូវការជំនួយជាចាំបាច់។

ដើម្បីបង្ហាញពីមនោសញ្ចេតនាដ៏ជ្រាលជ្រៅ ក្នុងការចូលរួមលើកទឹកចិត្តដល់វីរកងទ័ពតាម បន្ទាត់ព្រំដែន ជួរមុខ និងបងប្អូនប្រជាពលរដ្ឋដែលទទួលរងនូវផលប៉ះពាល់ រដ្ឋបាលក្រុងតាខ្មៅ សូម អំពាវនាវ ឯកឧត្តម លោកអ្នកឧកញ៉ា អ្នកឧកញ៉ា ឧកញ៉ា លោកជំទាវ អស់លោក លោកស្រី ជាពាណិជ្ជករ សិប្បករ និង សប្បុរសជន លោក លោកស្រី ចៅសង្កាត់ ប្រធានការិយាល័យ អង្គភាព មន្ត្រីរាជការចំណុះ រដ្ឋបាលក្រុង ព្រមទាំងប្រជាពលរដ្ឋទាំងអស់ មេត្តា ចូលរួមបរិច្ចាគអំណោយជាថវិកា ស្បៀងអាហារ គ្រឿងឧបភោគបរិភោគ សម្ភារប្រើប្រាស់ផ្សេងៗ ឬថ្នាំពេទ្យ តាមលទ្ធភាព និងសទ្ធាជ្រះថ្លារៀងៗខ្លួន។

រដ្ឋបាលក្រុងតាខ្មៅ សង្ឃឹមជឿជាក់លើស្មារតី និងទឹកចិត្តសប្បុរសធម៌ របស់ឯកឧត្តម លោកអ្នកឧកញ៉ា អ្នកឧកញ៉ា ឧកញ៉ា លោកជំទាវ អស់លោក លោកស្រី ដែលជាវប្បធម៌ នៃការចែក រំលែកក្នុងស្មារតី ភាតរភាពរបស់ប្រជាជាតិខ្មែរយើង ដែលជាខឿនការពារជាតិ។

អំណោយទាំងអស់ សូមមេត្តាយកមកប្រគល់ជូននៅវេទិកាអចិន្ត្រៃយ៍សួនច្បារមាត់ទន្លេបាសាក់ ស្ថិតក្នុងភូមិតាខ្មៅ១ សង្កាត់តាខ្មៅ ក្រុងតាខ្មៅ ខេត្តកណ្តាល ជារៀងរាល់ម៉ោងធ្វើការ ឬទំនាក់ទំនង តាមរយៈទូរសព្ទលេខ ០១៦ ២៣៤ ៥៦៤,០៩៣ ៤៨៥ ៨៤០ និង ០១២ ៥៧០ ៨៨២ ។